Akranes, Island Við landenda aðalhafnargarðs

Loksins glæddist ufsaveiðin

29. júní 2009, 17:44 - Ísfisktogarinn Ásbjörn RE er nú að veiðum en skipið kom til hafnar sl. fimmtudagskvöld og fór út að nýju um helgina. Það bar helst til tíðinda í síðustu veiðiferð að ufsinn gaf sig loksins til en ufsaafli togaranna hefur verið með tregara móti það sem af er árinu. ,,Það var kominn tími til að fá góðan ufsaafla og það tókst að þessu sinni. Við vorum með 96 tonn af ufsa og einnig um 46-47 tonn af karfa,” segir Friðleifur Einarsson, skipstjóri á Ásbirni RE í viðtali á heimasíðu HB Granda, en að hans sögn var skipið að veiðum á Fjöllunum eða hinum hefðbundnu heimamiðum ísfisktogara HB Granda.